ئیسرائیل ئامادەیە بودجەی فەڵەستین ڕەوانە بکات
ئیسرائیل کە چەند مانگێکە دەستی بەسەر بودجەی فەڵەستیندا گرتووە، ئامادەیە بودجەکە ڕەوانە بکات.
دوای دانوستانەکانی نێوان بەڕێوەبەرایەتی خۆسەری فەڵەستین و ئیسرائیل، رێککەتن لەسەر ئەوە کرا، ٤٠٠ ملیۆن یورو بۆ فەڵەستین ڕەوانە بکرێت.
ئیسرائیل لە مانگی چوارەوە بودجەی فەڵەستینی بڕیبوو و سبەینێ بودجەکە بە پێی رێککەوتنێک ڕەوانە دەکات. ئیسرائیل بە بیانووی یارمەتیدانی خانەوادەی زیندانیان و یارمەتیدانی خۆپیشاندەران، بودجەی فەڵەستینی بڕیبوو.
دوای بڕیارەکە، بەڕێوەبەرایەتی خۆسەر ڕایگەیاندبوو، پێویستە هەموو بودجەکە ڕەوانە بکرێت. بەهۆی بڕینی بودجەکە مووچەی کرێکار و کارمەندان دواکەوتووە.
بە پێی ئاماری بانکی جیهانی٣٠٪ لە خەڵکی فەڵەستین بێکارن.
ف.ق
