لە خۆپیشاندانەکانی کەربەلادا ١٨ کەس کوژران
خۆپیشاندانەکانی هاوڵاتیانی عێراق بۆ ڕووخاندنی حکومەت بەردەوامە. لە خۆپیشاندانەکانی کەربەلادا ١٨ کەس کوژران.
خۆپیشاندانەکانی هاوڵاتیانی عێراق بۆ ڕووخاندنی حکومەت بەردەوامە. لە خۆپیشاندانەکانی کەربەلادا ١٨ کەس کوژران.
خۆپیشاندانەکان لەدژی حکومەتی عادل عەبدولمەهدی لە بەغدا و شارەکانی دیکەی عێراق بەردەوامە. خۆپیشاندانەکان پێنج ڕۆژە بەردەوامن و دوێنێ شەو ئاڵۆزیەکی زۆر دروست بوو.
ڕاگەیەنرا دوێنێ شەو هێزە ئەمنیەکان هێرشیان کردووەتە سەر خۆپیشاندەرانی کەربەلا. بە پێی زانیاریەکان تەقە لە هاوڵاتیان کراوە و ١٨ کەس کوژراون.
خەڵکی بەغدا و نەجەفیش دوێنێ شەو لە شەقامەکان بوون. لە بەغدا هێزە ئەمنیەکان بە بۆمبی گازی هێرشیان کردە سەر خۆپیشاندەران و لە نەجەفیش ئاڵۆزی دروست بوو.
بە پێی ئاماری فەرمی لە ١ی تشرینی یەکەمەوە و تا ئێستا زیاتر لە ٢٤٠ کەس کوژراون.
ف.ق