ژمارەی کوژراوەکانی خۆپیشاندانەکانی عێراق گەیشتە ٢٩ کەس
خۆپیشاندان لە بەشێک لە شارەکانی عێراق بەردەوامە و ژمارەی کوژراوانی خۆپیشاندەران گەیشتووەتە ٢٩ کەس و زیاتر لەهەزار برینداریش هەیە.
خۆپیشاندان لە بەشێک لە شارەکانی عێراق بەردەوامە و ژمارەی کوژراوانی خۆپیشاندەران گەیشتووەتە ٢٩ کەس و زیاتر لەهەزار برینداریش هەیە.
بە پێی هەوالێکی ئاژانسی سکای نیوز کە پشتی بە سەرچاوەکانی نەخۆشخانەکانی عێراق بەستووە، ٢٩ خۆپیشاندەر بە تەقەی هێزە ئەمنییەکان کوژراون و ١٠٠٠ خۆپیشاندەریش برینداربوونە، کە برینی بەشێکیان سەختە.
لە زۆربەی ئەو شارانەی خۆپێشاندانی تێدا بەڕێوەدەچێت، هێلی ئینتەرنێت ڕاگیراوە.
ماوەی ٣ ڕۆژە خۆپیشاندان لە بەغدای پایتەخت و چەندین شاری دیکەی عێراق بەردەوامە و خۆپیشاندەران داوای چاکسازی و بنەبڕکردنی گەندەڵی و لەدژی بێکاری و نەبوونی خزمەتگوزاری پێویست خەڵک لەسەر شەقامن و هاوکات ڕژیمی ئێرانیش ئیدانەکرا.