'بڕیاری نیشتەجێکردنی ملیۆنێک ئاوارە لە ناوچە کوردیەکان مەترسیدارە'
مازڵوم عەبدی فەرماندەی گشتی هێزەکانی سوریای دیموکراتیک (قەسەدە) وتی، " بڕیارەکەی سەرۆک کۆماری تورک بۆ نیشتەجێکردنی ملیۆنێک ئاوارە لە ناوچە داگیرکراوەکان مەترسیدارە."
مازڵوم عەبدی فەرماندەی گشتی هێزەکانی سوریای دیموکراتیک (قەسەدە) وتی، " بڕیارەکەی سەرۆک کۆماری تورک بۆ نیشتەجێکردنی ملیۆنێک ئاوارە لە ناوچە داگیرکراوەکان مەترسیدارە."
عەبدی لە تویتێکدا باسی ئەوەی کرد، بانگ لە ئەمریکا و ڕووسیا دەکەن لەبەرامبەر گۆڕینی دیموگرافیای ناوچەکە بێدەنگ نەبن. لەبەرئەوەی نیشتەجێکردنی ملیۆنێک ئاوارە لە گرێ سپی و سەریکانی و ناچەکانی تر بە واتای گۆڕینی دیموگرافیای ناوچەکە دێت.
هەروەها داوایکرد، هەوڵ بۆ گەڕانەوەی خەڵکە رەسەنەکەی بدرێت و ئەمریکاش لەم ڕووەوە هاوکار بێت.
ڕەجەب ئەردۆغان سەرۆک کۆماری دەوڵەتی تورکی داگیرکەر، هەفتەی ڕابردوو باسی ئەوەی کردبوو، پڕۆژەیان هەیە، یەکەی نیشتەجێبوون بۆ نزیکەی ملیۆنێک ئاوارە لە ناوچە داگیرکراوەکان دروست بکەن.
ف.ق
Remarks by Turkish pres. re sending a million people to occupied Tel Abyad&Rasalayn is dangerous and means demographic change. We call on the US and Russia, who bear the responsibility of preventing this, to work on a mechanism to facilitate return of the true owners of the land.
— Mazloum Abdî مظلوم عبدي (@MazloumAbdi) December 10, 2019