سوپاى تورکیا و چەتەکانى گوندەکانى شێراوا بۆردومان دەکەن
سوپاى تورکیاى داگیرکەر و چەتەکانى بە چەکى قورس گوندەکانى کمارێ و بەرادێ لە ناوچەى شێراواى عەفرین بۆردومان دەکەن و بۆردومانەکە زیانى مرۆیى لێکەوتوەتەوە.
بۆردومانى سوپاى داگیرکەرى تورکیا و چەتەکانى بۆ سەر گوندەکانى کمارێ و بەرادێ لە ناوچەى شێراواى عەفرین بەردەوامیى هەیە.
بەپێى زانیارییەکانى ئاژانسەکەمان، سوپاى تورکیاى داگیرکەر و چەتەکانی لە دوێنێ ئێوارەوە بە چەکى قورس هێرش دەکەنە سەر گوندەکانى کمارێ و بەرادێ، کە گوندى ئاوەندانن و سەدان هاووڵاتی لەو گوندانەدا دەژین.
بۆردومانەکان شەهید و بریندارى لێکەوتووەتەوە، بەڵام تا ئێستا بەهۆى چڕى بۆردومانەکانەوە ئامارى ڕوونى شەهیدەکان و بریندارەکان دیار نییە.
ر.م
