هێزەکانی رزگاریی عەفرین لەم بارەیەوە راگەیێنراوێکی بلاو کردەوە کە تێیدا هاتووە:
"لە دژی سوپای تورکی داگیرکەر و چەتەکانی لە عەفرین و ناوچەکانی دەوروبەری چالاکی و ئۆپڕاسیۆنی هێزەکانمان بە بێ وەستان بەردەوامن.
٢٧ی کانونی یەکەم لە کاتژمێر ١٨:٠٠ لە گوندی داخلباشی سەر بە ناوچەی باب هێزەکانمان چالاکییەکیان لە دژی چەتە داگیرکەرەکانی گروپی "فرقە ئەلحمزەت" ئەنجام دا. لە ئەنجامی چالاکییەکەدا چەتەیەکی گروپی ناوبراو کوژراوەو ٢ چەتەی دیکەش بریندار بوون.
لە هەما کاتدا سوپای داگیرکەر وچەتەکانی دوای چالاکییەکەی هێزەکانمان، بە چەکی قوڕس و تانک و ئۆبوس و هاوەن گوندەکانی مالکییە و مەرەناز و کەفەر ئانتون-ی سەر بە ناوچەی شارای عەفرینیان بە سەختی بۆردومان کرد و لە ئەنجامی تۆپبارانەکەدا زیانێکی زۆری مادی بەر عەرز و باخ و موڵکی هاوڵاتییانی ناوچەکە کەوتووە."
ز.ش