ڕێکخراوی لاوانی ڕۆژئاوای کوردستان و باکوری سووریا ڕۆژی ٢٤ی تەموز/٣ی گەلاوێژ بۆ شەرمەزارکردنی داگیرکارییەانی دەوڵەتی تورکیا لە خاکی باشوری کوردستان ڕێپێوانێکی بەرەو باشووری کوردستان و پاشان قەندیل دەستپێکردبوو، بەڵام پارتی دیموکراتی کوردستانی عێراق ڕێگری کرد و چالاکییەکە لە پشت دەرگای سنووریی سێمێلکا مایەوە.
چالاکییەکە دوێنێ بە ئامادەبوونی سەدان ئەندامی ڕێکخراوەکانی کۆمەڵگای مەدەنی و نوێنەرانی حزبەکان و کۆتایی پێهات.
لە مەراسیمی کۆتاییهێنان بە چالاکییەکە عاکیف موستەفا، لەسەر ناوی یەکێتی لاوانی ڕۆژئاوا قسەی کرد و هێرشەکانی سەر شەنگال و خاکی باشوری کوردستانی شەرمەزار کرد، هەروەها هاوکارییەکانی پەدەکە-ی بۆ ئەو داگیرکارییانە وەبیر هێنایەوە.