گەنجانی هۆزی عیگێداد بەشداریان لە ڕیزەکانی قەسەدەدا کرد
١٢٥ گەنجی هۆزی عیگێداد بە مەراسیمێک بەشداریان لە ڕیزەکانی هێزەکانی سوریای دیموکراتیک کرد.
١٢٥ گەنجی هۆزی عیگێداد بە مەراسیمێک بەشداریان لە ڕیزەکانی هێزەکانی سوریای دیموکراتیک کرد.
گەنجان کە بەشداریان لە قەسەدەدا کردووە ٤٥ ڕۆژ ڕاهێنان و مەشقی، سیاسی، هزری و سەربازی و چەکداری دەکەن.
فەرماندەیی سەربازی ئەکادیمیای شەهید عەگیدی دێرەزۆر رایگەیاند،" دوای ڕووداوەکان کە لە گوندەکانی دێرەزۆر ڕوویاند، شێخ مەتڕەش ئەل حەفەل کوژرا و هەوڵەکانی دروستکردنی فیتنە لەلایەن ڕژێمی سوریا و تورکیا، گەنجانی هۆزی عیگێداد ویستیان هەرێمەکەیان بپارێزن و لەبەرانبەر تیرۆرست و ئەو کەسانەی ئارامی هەرێمەکە تێکدەدەن، بوەستنەوە."
عەلی ئەلجەلوو یەکێک لەو گەنجانەیە کە بەشداری لە ڕیزەکانی قەسەدە کردووە ڕایگەیاند، دوای زیادبوونی ڕووداوەکان و کوشتنی کەسایەتیەکان، بڕیاریان داوە کە بەشداری لە ڕیزەکانی هێزەکانی سوریای دیموکراتیکدا بکەن بۆئەوەی لەبەرانبەر شانە نووستووەکان کە ئامانج و بەرژەوەندیەکانی دەوڵەتی تورک دەپارێزن بووەستنەوە.
گەنجێک بەناوی عومەر عەبدوڵلا ئەلجەروان و گەنجێک بەناوی مووسا خەلەف ڕایانگەیاند کە بۆ پاراستنی ئاسایشی هەرێمەکە دەبنە قەڵغان و دەستکەوتی گەنجان دەپارێزن.
زۆربەی گەنجان کە بەشداریان لە قەسەدەدا کردووە خەڵکی شاروچکەی شهێل و گوندەکانی ڕۆژهەڵاتی دێرەزۆرن.
ف.ق