ناوەندی ڕاگەیاندنی هێزەکانی ئاسایشی ناوخۆ سەبارەت بە ئۆپەراسیۆنی دژی چەتەکانی داعش لە دەیرەزۆر ڕاگەیاندراوێکی بڵاوکردەوە. لە ڕاگەیاندراوەکەدا هاتووە کە هێزەکانی ئاسایشی ناوخۆ بەرەبەیانی ١٨ی تشرینی یەکەم ٦ چەتەی داعشیان لە ڕۆژهەڵاتی دەیرەزۆر دەستگیرکردووە.

بەگوێرەی ڕاگەیاندراوەکەی، هێزە تایبەتەکانی (هات) بە پاڵپشتی و بەشداری هاوپەیمانی نێونەتەوەیی شوێنی ٦ چەتەیان دەست نیشان کردووە و دواتر لە ئۆپەراسیۆنێکی ئەمنی سەرکەوتوودا ٦چەتەیان لە حەشارگەکانیان دەستگیرکردووە.

لە ڕاگەیەندراوەکەدا دەست نیشان کراوە کە دەست بەسەر ٢ چەکی کڵاشینکۆفدا گیراوە.

هێزەکانی ئاسایشی ناوخۆ لە ڕاگەیەندراوەکەدا ئاماژەیان بەوەکردووە، بەردەوام دەبن لە ئەرکەکانیان بەرامبەر بە گەل و هەرێمەکە، شانە نهێنییەکان دەستگیر دەکەن و ئاسایشی هەرێمەکە مسۆگەر دەکەن.