دانیشتوانی شاری قامشلۆ لە شاروچکەی گرباوی لەدژی هێرشی دەوڵەتی داگیرکەری تورک بۆ سەر شاروچکەی زرگان و بەئامانجگرتنی خەڵکی مەدەنی و هێرشی سەر کۆبانێ، ڕێپێوانێکیان ئەنجامدا.

ڕێپێوانەکە لە بەردەم ئەنجومەنی شاروچکەی گرباوی دەستیپێکرد. چالاکوانان پانکارتی 'بکوژ ئەردوغان' و 'لەبەرانبەر کوشتن و کۆچبەرکردن، ئێمە بە هەموو پێکهاتەکانمانەوە بەرخۆدان دەکەین' بەرز کردەوە.

سلاڤا ڕفاعی ئەندامی پارتی یەکێتی دیموکراتی (پەیەدە) قسەی کرد و وتی، " هێرشی ئەردۆغانی سەرچەتەی داعش ماوەیەکە لەسەر باشوری کوردستان بە هاوکاری ناتۆ بەردەوامە. دەوڵەتی تورک نەیتوانی لە بەرانبەر گەریلا بوەستێتەوە، بۆیەش هێرشەکانی بۆ سەر رۆژئاوا و شەنگالی زیاتر کردووە."

فادیە ئیسماعیل ئەندامی بەڕێوەبەری کۆنگرەی ستار لە گرباوی رایگەیاند، دەوڵەتی داگیرکەری تورک بە هێرشەکانی دەیەوێت مەترسی بۆ سەر گەلانی باکور و رۆژهەڵاتی سوریا دروست بکات، بەڵام لە سایەی بەرخۆدانی قەسەدە ئامانجەکانی دەوڵەتی تورک بەدی نایەت.

ڕێپێوانەکە بە دروشمی ' شەهیدان نامردن' کۆتایی هات.

ف.ق