لە یاریگای کۆرنیش، سەدان دانیشتووی دێرک و دەوروبەری ئەندامانی ڕێکخراوە مەدەنییەکان و مەجلیسەکان، بەشداربوون لە مەراسیمی یادکردنەوەی یەکێک لە دامەزرێنەرانی یەپەگە، فەرماندە خەبات دێرک لە ١٢ هەمین ساڵیادی شەهیدبوونیدا.

لە مەراسیمەکەدا برای شەهید، شڤان محەمەد شەهید خەبات دێرک و تەواوی شەهیدانی یادکردەوە.

محەمەد گوتی: "سەربەرزین بە بەشداربوونتان لە مەراسیمی ساڵیادی شەهیدبوونی خەبات دێرک. شەهید لە دوای خۆی هەزاران شەڕڤانی جێهێشت و رێگەی بە هەزاران شەهیدی خاوەن فیکری تەڤگەری ئازادی کوردستان بەردەوامە".

هەروەها گوتی: "دەسکەوتەکان لەسایەی فیداکاری و هەوڵی ئەو کەسانە بەدیهات کە دەیانویست وڵاتێکی ئازاد بونیاد بنێن. ئێمە وەک بنەماڵەی شەهید، تا سەرکەوتن شوێنکەوتەی شەهید خەبات و تەواوی شەهیدان دەبین".

لە مەراسیمەکەدا مناڵێک بە ناوی عەریف ئەحمەد هەڵبەستێکی لەسەر ڕۆڵی شەهید خەبات خوێندەوە.

مەراسیمەکە بە بەرزکردنەوەی درووشمی "شەهید نامرن" کۆتایی هات.