سەدان دانیشتووی کانتۆنی کۆبانێ لە گۆڕەپانی شەهید عەگید لە ناوەندی شارەکە کۆبوونەوە و پشتگیری خۆیان دەربڕی بۆ هەڵمەتی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" کە ١٠ ی تشرینی یەکەم دەستی پێ کرد.

جەماوەرەکە پۆستەری ڕێبەری گەلی کورد عەبدوڵا ئۆجالانیان هەڵگرت و درووشمی "بێ سەرۆک ژیان نابێ"یان بەرزکردەوە.

ئەندامی مەجلیسی ژنانی پارتی یەکێتیی دیموکراتیک (پەیەدە) لە هەرێمی فورات، سارا خەلیل، ئاماژەی بەوە کرد، ئیرادەی گەلانی باکور و ڕۆژهەڵاتی سوریا لەسەر ڕامانەکانی ڕێبەری گەلی کورد بەندە. دووپاتی کردەوە، بەرخۆدانی ئیمراڵی، هەموو سیاسەتە قێزەونەکانی هێزە دەرەکییەکانی پووچەڵ کردەوە.

هاوسەرۆکی کانتۆنی گرێ‌سپی، حەمید ئەلعەبد، گوتی: "بۆ ئەوەی ڕێبەر عەبدوڵا ئۆجالان بگاتە مافەکانی، پێویستە تێکۆشان و بەرخۆدان و خەباتمان مەزنتر بکەین".