دەیان گەنجی هەرێمی فورات بە ڕێپێوانێک بەشداربوون لە هەڵمەتی "ئازادی بۆ عەبدوڵا ئۆجالان، چارەسەری سیاسی بۆ پرسی کورد".

ڕێپێوانەکە لە گۆڕەپانی شەهید عەگید دەستی پێ کرد، تا پارکی ١٩ ی تەموز بەردەوام بوو.

لەوێ بۆ یادکردنەوەی شەهیدان خولەکێک ڕێزگرتن بەڕێوەچوو. پاشان، لە ئیدارەی پاراستنی گەنجانی هەرێمی فورات، خەلیل عەلی، گوتی: "وەک گەنجان بەشداری هەڵمەتی ئازادی ڕێبەر ئاپۆ دەکەین. لە ٧٤ شار بانگەواز دەکرێت بۆ ئازادیی جەستەیی ڕێبەر ئاپۆ. ئێمەش وەک گەنجانی کۆبانێ سڵاو لەم هەڵمەتە دەکەین و بەشدار دەبین. تا ئازادی جەستەیی ڕێبەر ئاپۆ مسۆگەر نەبێت، پرسی کورد چارەسەر نابێت. سڵاو لە بەرخۆدانی ڕێبەر ئاپۆ دەکەین".

چالاکییەکە بە درووشمی "بژی سەرۆک ئاپۆ" کۆتایی هات.