HRE: لە چالاکییەکانی تۆڵەسەندنەوەدا ٦ داگیرکەر کوژران
هێزەکانی رزگاریی عەفرین- HRE رایگەیاند لە ئەنجامی چالاکییەکانیاندا ٦ داگیرکەر کوژراون و لەم بارەیەوە راگەیێنراوێکی بڵاو کردەوە.
هێزەکانی رزگاریی عەفرین- HRE رایگەیاند لە ئەنجامی چالاکییەکانیاندا ٦ داگیرکەر کوژراون و لەم بارەیەوە راگەیێنراوێکی بڵاو کردەوە.
HRE جەختی لەوە کردەوە، لە چوارچێوەی تۆڵەسەندنەوەدا چالاکییەکانیان بە بێ وەستان لە عەفرینی داگیرکراو و دەوروبەری بەردەوام دەبێت و لە راگەیێنراوەکەدا هاتووە:
"لە دژی سوپای تورکی داگیرکەر و چەتەکانی، چالاکیی هێزەکانمان بۆ تۆڵەسەندنەوە بە بێ وەستان بەدەوامن.
لە ٢٦ی تشرینی دووهەم لە دەوروبەری شاری مارێ، هێزەکانمان بە چالاکییەک، چەتەکانی سوپای تورکی داگیرکەریان بەئامانج گرت و لە ئەنجامدا چەتەیەک کوژرا.
لە ٢٧ی تشرینی دووهەمیش لە گوندی کەفەر کلبن-ی سەر بە ناوچەی عەزاز هێزەکانمان لە دژی چەتەکانی 'ئەحرار شیمال' چالاکییەکی سابۆتاژیان ئەنجامدا. لە ئەنجامی چالاکییەکەدا ٣ چەتەی ئەو گروپە تیرۆرستییە کوژران و ٣ چەتەی دیکەش بریندار بوون.
هەمان رۆژ لە دەوروبەری شاری مارێ، هێزەکانمان لە دژی سەنگەرەکانی گروپی 'لیوای موتعسیم' چالاکییەکیان ئەنجامداو بەو هۆیەوە ئۆتۆمبیلێکی سەربازییان لەناو برد و ٢ چەتە کوژران و سییانیشان بریندار بوون."
ز.ش