هێرشەکانی دەوڵەتی تورکی داگیرکەر بۆ سەر ناوچە مەدەنییەکانی و ژێرخانی باکور و ڕۆژهەڵاتی سوریا بەردەوامە. هێرشەکانی شەوی ڕابردوو بەم شێوەی خوارەوەن:

 دێرک

 فڕۆکە جەنگییەکانی دەوڵەتی تورکی داگیرکەر، ناوەندی ئاسایشی گوندی کۆچەراتی سەر بەشارۆچکەی دێریکیان بۆردومان کرد. لەهێرشەکەدا خەڵکێکی زۆر بریندار بوون. بریندارەکان گواسترانەوە بۆ نەخۆشخانەی فریاکەوتن بۆ پێدانی خوێن و چارەسەری.

 فڕۆکە جەنگییەکان بیرێکی نەوتیان لە گوندی تەقل بەقلی سەر بە شارۆچکەی دێریک بۆردومان کرد.

عەین عیسا

سوپای داگیرکەری تورک ناوەندی شارۆچکەی عەین عیسا و ڕێگای ئێم فۆریان بۆردومان کرد.

 تربەسپی

 فڕۆکە جەنگییەکانی دەوڵەتی داگیرکەری تورک وێستگەکانی گازی عەودە و گردەهۆڵیان لە ڕۆژهەڵاتی تەربەسپی بۆردومان کرد. لە وێستگەی گازی عەودە حەسەل محەممەد تەمەن ٦٠ ساڵ بریندار بوو.

تل تەمر

 گوندەکانی تیل تل و تاولێ و گۆزەلیێ لە ڕۆژئاوای تل تەمر و هەروەها گوندی دردارا لە باکووری شارۆچکەکە بە چەکی قورس بۆردومان کران.

 کۆبانێ

 دەوڵەتی تورکی داگیرکەر گوندەکانی تل شیر و خورخوری لە ڕۆژاوای کۆبانێ و گوندەکانی گۆران و خربیسان لە ڕۆژهەڵاتی شارەکەی بۆردومان کرد.

منبج

 ناوەندی پەیوەندییەکانی ئەنجوومەنی سەربازی منبج ڕایگەیاند، دەوڵەتی داگیرکەری تورک گوندەکانی سەیادە و ئەل جات لە باکوری مەنبەج بۆردومان کردووە.

شەهبا

 دەوڵەتی تورک و چەتەکانی شارۆچکەی تل ڕەعفەت و گوندەکانی شێخ عیسا و عەین دەقنێ و بەلوونیە لە هەرێمی شەهبا و فڕۆکەخانەی منخیان بۆردومان کرد.

 عامودێ

 گوندەکانی چۆلدارا و هەرمی و شێخۆی سەر بە شاری عامودێ بۆردومان کران.

 حەسەکە

 سوپای داگیرکەری تورک و چەتەکانی شارۆچکەی زرگانی حەسەکە، گوندەکانی تل هرمل، ئەسەدییە، مشێرفە، زۆراڤا، تل جەهان، ڕۆتان، زگران و ڕابیاتەیان بۆردومان کرد.