هێزەکانی ئاسایشی ناوخۆ: لە دێرەزۆر ٢٢ چەتەی داعش دەستگیرکران
هێزەکانی ئاسایشی ناوخۆ لە ئۆپەڕاسیۆنێکدا بە هاوکاری هێزەکانی هاوپەیمانان و هێزەکانی دژە تیرۆر ٢٢ داعشیان لە گوندەکانی رۆژهەڵاتی دێرەزۆر دەستگیرکرد.
هێزەکانی ئاسایشی ناوخۆ لە ئۆپەڕاسیۆنێکدا بە هاوکاری هێزەکانی هاوپەیمانان و هێزەکانی دژە تیرۆر ٢٢ داعشیان لە گوندەکانی رۆژهەڵاتی دێرەزۆر دەستگیرکرد.
هێزەکانی ئاسایشی ناوخۆ بەهۆی تەقینەوە و هەوڵدانی تیرۆریستی لە بەرانبەر کارمەندی مەدەنی و سەربازی لە گوندەکانی رۆژهەڵاتی دێرەزۆر ئۆپەڕاسیۆنی ئەنجامدا. لە ئۆپەڕاسیۆنەکەدا شانەیەکی داعش دەستگیرکرا کە ژمارەیان ٢٢ کەسە.
لەبارەی ئۆپەڕاسیۆنەکە، بەشار ساعیب ئەندامی بەڕێوەبەرایەتی گشتی هێزەکانی ئاسایشی ناوخۆ قسەی کرد و وتی، "دوای لێکۆلینەوە شوێنی چەتەکان ئاشکرا کراوە و دواتر دەست بە ئۆپەڕاسیۆن کراوە.
ساعیب باسی ئەوەی کرد کە ئەندامانی داعش خۆیان لە ماڵەکاندا شاردووەتەوە و هەر یەکەیان بەرپرسی بەشێک بوون.
بەشار ساعیب وتی، "زۆربەی چەتەکان کە دەستگیرکراون، بەرپرسی تیرۆرکردن، چاندنی مین و بەدەستهێنانی لۆجیستیکی داعش بوون.
هەروەها ئاماژەی بەوەشدا کە ئۆپەڕاسیۆنەکە بە بەشداری هاوپەیمانان و هێزەکانی دژە تیرۆر ئەنجامدراوە.
ئەوەشی خستەڕوو کە ئۆپەڕاسیۆنیان لەدژی چەتەکان و تیرۆر بەردەوام دەبێت.
ف.ق