ناوەندی ڕاگەیاندی هێزەکانی ئاسایشی ناوخۆ بە ڕاگەیاندراوێک شەهیدبوونی ئەندامێکی بە ناوی محەمەد حسۆ ڕاگەیاند.

لە راگەیاندراوەکەدا گوتی: "ئەندامی هێزەکانمان محمەد حسۆ، لەبەرخۆدانی دژ بە هێرشێکی قورسی دەوڵەتی تورکی داگیرکەر و چەتەکانی گەیشتە کاروانی شەهیدان.

هێرشە دڕندانەکانی دەوڵەتی تورکی داگیرکەر و چەتەکانی لەسەر گەلەکەمان و ژێرخانی هەرێمەکە بەردەوامە. هێرشەکانی ئەم دواییە جارێکی تر دووژمنایەتی کردنی دەوڵەتی تورکی لە بەرانبەر گەلەکەمان سەلماند. بەڵێن بە شەهید حسۆ و تەواوی شەهیدە قارەمانەکان لە هێزەکانی سەرباز و مەدەنی دەدەین تاوەکو بە دەست هێنانی ئازادی و شکۆمەندی لەسەر ڕێگەکەیان بەردەوام بین. سەرەخۆشی لە بنەماڵەی شەهید حسۆ دەکەین. جارێکی تر بەڵێنی درێژەدان بە ڕێگەکەی دەدەین. تا ڕزگارکردنی هەموو خاکە داگیرکراوەکانمان ئالای تێکۆشانمان بشەکێنینەوە."

زانیارییەکان دەربارەی ناسنامەی شەهید:

ناو و پاشناو: محەمەد حسۆ

ناوی دایک: حەلوزە

ناوی باوک: قاسم

شوێن و کاتی لە دایکبوون: کۆبانێ، ٥ی ئایاری ١٩٧٠

شوێن و کاتی بەشداربوون: کۆبانێ، ٢ی حوزەیرانی ٢٠١٣

شوێن و کاتی شەهیدبوون: کۆبانێ-بەنداوی تشرین، ١٦ی کانوونی دووەمی ٢٠٢٥.