خەڵکی عەفرین و شەهبا دژی دەوڵەتی تورک ڕژانە گۆڕەپانەکان
خەڵکی عەفرین و شەهبا دژی هێرشەکانی دەوڵەتی داگیرکەری تورک ڕژانە گۆڕەپانەکان.
سەدان دانیشتووی عەفرین و شەهبا بە ڕێپێوانێک هێرشەکانی دەوڵەتی داگیرکەری تورکیا بۆ سەر هەرێمەکانی باکور و ڕۆژهەڵاتی سوریا شەرمەزار کرد.
لە ڕێپێوانەکە وێنەی مناڵە شەهیدبووەکانی عەفرین بەرزکرایەوە.
ڕێپێوانکەران تا چوارڕیانی زەیتون ڕێپێوانیان کرد. لەوێ ئەندامی مەجلیسی تەل ڕەفعەت، حەنیف سیدۆ هێرشەکانی دەوڵەتی تورک و بێدەنگی هێزە نێونەتەوەییەکانی شەرمەزار کرد.
هەروەها ئەندامی کۆنگرەی ستاری ناوچەی تەل ڕەفعەت ئایشە فایەق گوتی: "ئێمە هەرگیز دەست لە بەرخۆدانی خۆمان هەڵناگرین. ئێمە ڕۆڵەی ئەم خاکەین. ئێمە هەردەم لە گۆڕەپانەکان دەبین".
