ناوەندی ڕاگەیاندن و چاپەمەنی هێزەکانی سوریای دیموکراتیک (قەسەدە) بە ڕاگەیاندراوێکی نوسراو ئاشکرای کرد، لە چوارچێوەی وەڵامدانەوەی هێرشەکان دژی باکور و ڕۆژهەڵاتی سوریا، ٣ بنکەی سەربازی دەوڵەتی تورکیان کردۆتە ئامانج.

درێژەی ڕاگەیاندراوەکە بەم جۆرەیە:

"لە چوارچێوەی پاراستنی ڕەوا و وەڵامدانەوەی هێرشەکانی دەوڵەتی داگیرکەری تورک و چەتەکانی، هێزەکانمان لە ١٧ ی تشرینی یەکەمی ٢٠٢٣، دژی بنکەکانی دەوڵەتی داگیرکەری تورک لە گوندەکانی ئەربەعین و عالیە و مەناجیر لە گوندەواری تەل تەمر چالاکیان ئەنجامدا. هێزەکانمان ڕاستەوخۆ سوپای دوژمنیان کردە ئامانج".