ئەرمەنییەکانی دانیشتووی تەل تەمر، ١١٠ـەمین ساڵیادی کۆمەڵکووژی سەر ئەرمەنییەکانیان کردەوە و ئاماژەیان بەوەدا بە ئێستاشەوە دەوڵەتی تورک کە درێژکراوەی عوسمانییەکانە لە دژی گەلانی هەرێمەکە کۆمەڵکووژی ئەنجام دەدات.
پێکهاتەی ئەرمەنییەکان لە شاری تەل تەمری کانتۆنی جزیرە، بە مەراسیمێک یادی کۆمەڵکووژی ئەرمەنییەکانیان کردەوە، کە دەوڵەتی عوسمانی ١١٠ بەر لە ئێستا لە نێوان ساڵانی ١٩١٥-١٩١٧ لەسەر گەلی ئەرمەنی ئەنجامی دا.
مەراسیمەکە کە لەلایەن تابووری شەهید نوبار ئۆزنایانی ئەرمەنییەوە پێکهێنرا، لە هۆڵی بنەماڵەی شەهیدانی ئەنجامدارا، لە هۆڵەکەدا کە ژمارەیەکی زۆر لە کەسانی مەدەنی هەموو پێکهاتەکان و سەربازی بەشداربوون، وێنەی ڕێبەر ئاپۆ و شەهیدانی ڕێگەی ڕزگاری هەڵواسرابوون.
مەراسیمەکە بە خولەکێک ڕێزلێنان دەستی پێکرد، دواتر قسە و پەیامەکان خوێندرانەوە. لە پەیامەکاندا ئاماژە کرا بەوەی دەوڵەتی تورکی داگیرکەر کە درێژکراوەی سیاسەتە و مێژووی دەوڵەتی عوسمانییە کە چەندین تاوانی کۆمەڵکووژی لەدژی گەلانی، ئەرمەن، کوردان، سوریانی-کلدان-ئاشووری و گەلانی هەرێمەکەی ئەنجام داوە.
لە فەرماندەکانی تابووری نوبار ئۆزانایان، مانوەل دەنەر گیان قسەیان کرد و گوتیان: "ئەمڕۆ لە ساڵیادی ئەو ئازارەی کە بەسەر گەلەکەماندا تێپەڕی، بە بیردێنینەوە. گەلی ئەرمەنیمان بە دەستی عوسمانییەکان بە شێوەیەکی دڕندانە کۆمەڵکووژ کران، کۆچبەرکران و بە قڕکردنی نەتەوەییدا تێپەڕی. دەوڵەتی تورکی داگیرکەر ئەمڕۆش لەو سیستەمی قڕکردن و نکۆڵیکردنە بەردەوامە."
مانوەل دەنەر گیان ئاماژەی بەوەدا خەڵکی شاری تەل تەمر لە دژی هێرشەکانی چەتەکانی داعش و چەتەکانی دەوڵەتی تورک وەستانەوە، مۆدێلی ژیانی هاوبەش و پێداگری لە بەرخۆدانیان سەلماند.
لەلایەکی ترەوە، فەرماندە لە ئەنجوومەنی ئاشووری پاراستنی خابوور، شەمس کیفرکیس ڕایگەیاند ٢٤ ی نیسان بۆ ئەرمەن و سریان_ئاشوور_کلدانییەکان و تەواوی گەلانی هەرێمەکە ڕۆژێکی ئازاربەخشە.
شەمس بە ناوی بنەماڵەی شەهیدانی ئاشووری و پارتی سوریای دیموکراتیکەوە بانگەوازی کۆمەڵگەی نێونەتەوەیی کرد، دان بە کۆمەڵکوژیی ئەرمەنییەکان بنێت و دەوڵەتی داگیرکەری تورک سزابدەن لەسەر تاوانە مێژووییەکانی کە هێشتاش درێژەیان پێ دەدات.
مەراسیمەکە بە پیشاندانی سینڤزیۆنێک دەربارەی ڕاستییەکانی کۆمەڵکوژییەکە کۆتایی هات.
