تەڤگەری خوێندکارانی دیموکراتیکی کانتۆنی فورات لە چوارچێوەی پشتگیری لە دەسپێشخەریی گەل بە درووشمی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" و بۆ شەرمەزار کردنی گۆشەگیری سەر ڕێبەری گەلی کورد عەبدوڵا ئۆجالان و بەدیهاتنی ئازادی جەستەیی ڕێپێوانێکی ئەنجامدا.

لە چالاکییەکەدا ئەندامی تەڤگەری خوێندکارانی دیموکراتیکی کانتۆنی فورات شیرین محەمەد ڕاگەیاندراوێکی خوێندەوە، ئاماژە بەوە کرا ئەوان خوێندکاری ڕێبەری گەلی کورد عەبدوڵا ئۆجالانن و گوترا: "ئامانجمان شکاندنی گۆشەگیری قورس و ئازادی جەستەیی ڕێبەر عەبدوڵا ئۆجالانە".

لە درێژەی ڕاگەیاندراوەکەدا داوای خۆیان بۆ جیهان ئاشکرا کرد و گوتیان: "ئەویش ئازادی جەستەیی ڕێبەر عەبدوڵا ئۆجالان و چارەسەری دادپەروەرانەی دۆزی کوردە. تا بەدیهاتنی ئەم داخوازییانە درێژە بە تێکۆشان دەدەین".

ڕێپێوانەکە بە درووشمی "بێ سەرۆک ژیان نابێ" کۆتایی هات.