لە منبج گۆشەگیری و هێرشی کیمیایی دەوڵەتی تورک شەرمەزارکران
تەڤگەری گەنجانی شۆڕشگێر بۆ شەرمەزارکردنی هێرشەکانی چەکی کیمیایی دەوڵەتی تورک، لە منبج رێپێوانێکیان بە بەرزکردنەوەی مەشخەل ئەنجامدا.
تەڤگەری گەنجانی شۆڕشگێر بۆ شەرمەزارکردنی هێرشەکانی چەکی کیمیایی دەوڵەتی تورک، لە منبج رێپێوانێکیان بە بەرزکردنەوەی مەشخەل ئەنجامدا.
ئەندامانی تەڤگەری گەنجانی شۆڕشگێر و یەکێتی ژنانی گەنج لە منبج رێپێوانێکیا بە بەرزکردنەوەی مەشخەل ئەنجامدا. رێپێوانەکە لە چواڕیانی میزان لە ناوەڕاستی شارەکە دەستی پێکرد. لە رێپێوانەکەدا وێنەی عەبدوڵلا ئۆجالان رێبەری گەلی کورد و پانکارتی ' کات کاتی ئازادی رێبەر ئاپۆیە' و ' وەرن بۆ جەنگی ئازادی' بەرز کرانەوە.
لە بەردەم ناوەندی گەنجان، ساڵح جەفال ئەندامی گەنجانی شۆڕشگێری منبج قسەی کرد و وتی، " بە توندی هەموو پیلانگێریەکان لەدژی هەڤاڵانی هەپەگەمان کە بە چەکی کیمیایی و قەدەغەکراو هێرش دەکرێتە سەریان، شەرمەزار دەکەم."
جەفال بانگەوازی لە هەموو گەلانی ئازاد کرد کە لەدژی پیلانگێڕی سەر عەبدوڵلا ئۆجالان و لەدژی بەکارهێنانی چەکی کیمیایی بوەستنەوە.
ساڵح جەفال لە کۆتاییدا وتی، " بەڵێن دەدەین بە رێبەر ئۆجالان کە تێکۆشانی خۆمان تاوەکو رزگاری هەموو گەلانی ژێردەست و شکاندنی دیوارەکانی ئیمڕالی بەردەوامی پێبدەین و لەسەر رێچکەی شەهیدە ئازادەکان دەبین."
رێپێوانەکە بە وتنەوەی دروشمی ' بژی بەرخۆدانی رێبەر ئۆجالان' ، ' بژی بەرخۆدانی گەریلا' و ' بژی بەرخۆدانی گەلانی ئازاد' کۆتایی هات.
ف.ق