لە قامیشلۆ ٣٦ چەتە دەستگیرکران
هێزەکانی ئاسایشی ناوخۆی باکور و رۆژهەڵاتی سوریا لە شاری قامیشلۆ ٣٦ چەتە و هاوکاری ئەو چەتانەیان دەستگیرکرد.
هێزەکانی ئاسایشی ناوخۆی باکور و رۆژهەڵاتی سوریا لە شاری قامیشلۆ ٣٦ چەتە و هاوکاری ئەو چەتانەیان دەستگیرکرد.
ناوەندی راگەیاندنی هێزەکانی ئاسایشی ناوخۆ لەبارەی ئۆپراسیۆنەکان لە قامیشلۆ راگەیاندراوێکیان بڵاوکردەوە.
لە راگەیەندراوەکەدا ئەم زانیارییانە ئامژەیان پێکراوە:
"لە ئۆپراسیۆنی چاودێری شانەکانی داعش و هاوکارانیاندا، شانەکانی داعش و ئەو کەسانەی یارمەتیان داون و ئاسانکارییان بۆ داعش دەکرد، ئاسایشی گشتی شوێنەکانیانی دەستنیشان کرد و لە دژی ئەوان ئۆپراسیۆنێکی ئەنجامدا و کۆتاییان بە چالاکییەکانیان هێنا.
ئەمڕۆ (٢٧ کانونی دووم) لەسەرلەبەیانیدا هێزی ئۆپراسیۆنەکان و هێزی تایبەت (هات) لە گەڕەکە جیاجیاکانی قامیشلۆ چوونە سەر شوێنەکانی خۆحەشاردانی ئەندامانی داعش و هاوکارانیان.
لە هەڵکوتانە سەر ئەو شوێنانەدا ٣٦ چەتە و یارمەتیدەرەکانیان دەستگیرکران، دەستیش بەسەر بڕێکی زۆر چەک و جبەخانە و کەلوپەلی تەکنیکیدا گیرا.
هێزەکانمان لە هەموو کات زیاتر بەمەبەستی پاراستنی ئاسایشی هەرێمەکانمان لە ئەرکدان. داوا لە گەلەکەمان دەکەین کە ئەگەر جموجۆڵی گوماناوییان بەدیکرد، نزیکترین بنکەکانی هێزە ئەمنییەکان ئاگادار بکەنەوە و پشتیوانی لە هێزە ئەمنییەکان بکەن".
هـ . ب