لە گۆڕستانی شەهیدا سەرۆخان لە قامیشلۆ بە مەراسیمێک سەربازانی هێزەکانی ئاسایشی ناوخۆی هێزەکانی قەسەدە، یەپەژە، یەپەگە و سوتۆرۆ کە لە کات و شوێنی جیاوازدا شەهید بوون، یادیان کرایەوە. مەراسیمەکە بە پێشەنگایەتی ئەنجوومەنی بنەماڵەی شەهیدان بەڕێوەچوو. پێکهاتەکانی قامیشلۆ و بنەماڵەی ١٦٦ شەهید بەشداریان لە بیرهێنانەوەکەدا کرد. لە یادەکەدا وێنەی شەهیدان بەرزکرایەوە و دروشمی "شەهیدان نامرن"دەوترانەوە.

سەرەتای مەراسیمەکە بە خولەکێک ڕێزگرتن بۆ یادی شەهیدان دەستی پێکرد. لە یادەکەدا شیرین حەسەن ئەندامی ئەنجوومەنی بنەماڵەی شەهیدانی قامیشلۆ وتارێکی پێشکەش کرد و وتی: "بەڕۆحی شەهیدانەوە بەردەوامین لە تێکۆشانمان تا کۆتایی لە پێناوی شەهیداندا شەڕدەکەین و یەکێتی خۆمان لە دژی هێرشەکانی دەوڵەتی داگیرکەری تورک بۆ سەر باکور و ڕۆژهەڵاتی سوریا پتەوتر دەکەین.

لە کۆتاییدا ناوی ١٦٦ شەهیدی مانگی کانوون و کانوونی دووەم خوێندرایەوە.

مەراسیمەکە بە وتنەوەی دروشمی "شەهیدان نامرن" کۆتایی هات.