لە قامیشلۆ ئۆپەراسیۆنی مادەی هۆشبەر ئەنجامدرا
هێزەکانی ئاسایشی ناوخۆ لە قامیشلۆ، ئۆپەراسیۆنێکی دژی بازرگانی مادەی هۆشبەر ئەنجامدا. بازرگانێک دەستگیرکرا.
ناوەندی ڕاگەیاندن و چاپەمەنی هێزەکانی ئاسایشی ناوخۆ، پەیوەست بە گرتنی بەکارهێنەر و بازرگانێکی مادەی هۆشبەر لە قامیشلۆ ڕاگەیاندراوێکی بڵاوکردەوە.
ڕاگەیاندراوەکە بەم جۆرەیە:
"٢٥ ی ئەیلول هێزەکانمان کەسێکیان دەستگیرکرد کە لە ماڵەکەیدا مادەی هۆشبەری چاندبوو.
پاش ئەوەی هێزەکانی بەگژاچوونەوەی مادەی هۆشبەر زانیاریان پێگەیشت سەبارەت بەوەی کەسێک مادەی هۆشبەری لە ماڵەکەی چاندووە بە مەبەستی بەکارهێنان و بازرگانی، هێزەکان یەکسەر لێکۆڵینەوە و چاودێریان دەست پێ کرد، پاش پشتڕاستکردنەوەی زانیارییەکان، هێزەکانمان هەڵیانکوتایە سەر ماڵەکەی و دەستگیریان کرد، لە هەڵمەتەکەدا دەستگیرا بەسەر ئەمانەی لای خوارەوە:
- دوو شەتڵی حەشیش لە ماڵەکەدا چێنرابوون.
- دەمانچەیەکی ٧ ملمی گۆڕاو.
هێزەکانمان بانگەواز لە هاوڵاتیان دەکەن بۆ دوورخستنەوەی نەخۆشی و پاککردنەوەی جڤاکەکەمان لە مەترسی، لە بەکارهێنان و بازرگانی مادەی هۆشبەر ئاگادارمان بکەنەوە و زانیاریمان پێ بدەن".
