ناوەندی ڕاگەیاندن و چاپەمەنی هێزەکانی ئاسایشی ناوخۆی باکور و ڕۆژهەڵاتی سوریا ڕایگەیاند، ئەم بەیانییە لە ئەنجامی تەقینەوەی مینێکدا، ئەندامێکیان شەهید و ٣ ئەندامیان بریندار بوون.

لە ڕاگەیاندراوەکەدا هاتووە:

"ئەمڕۆ (٣ تشرینی یەکەم) زانیاری گەیشتە هێزەکانمان کە مینێک لە چوارڕیانی شەهیدان لە مەنبەج هەیە. هێزەکانمان چوونە شوێنەکە و بۆ پاراستنی خەڵک شوێنەکەیان گەمارۆدا. هێزەکانمان مینەکەیان لە دوور تەقاندەوە، بەهۆیەوە ئەندامێکی هێزەکانمان شەهید و ٣ ئەندام بریندار بوون.

ئەم کارە تیرۆریستییە بە ئامانجی تێکدانی ئاسایش و ئارامی هەرێمەکە، پێداگریمان لەسەر تێکۆشان بەرامبەر ئەم کارانە زیاتر دەکات".