پارتی یەکێتی دیموکراتیک (پەیەدە) لە ساڵیادی پیلانگێڕی نێونەتەوەیی دژی ڕێبەری گەلی کورد عەبدوڵا ئۆجالان ڕاگەیاندراوێکی بڵاوکردەوە.

لە ڕاگەیاندراوەکەی پەیەدە دا هاتووە: "ئێمە ئەم مێژووە لە چوارچێوەی سیستەمی قڕکردنی بەکۆمەڵ دژی کورد دەنرخێنین، کە ئێستا کاتی ئەوە هاتووە یەکلایی بکرێتەوە،  چونکە هیچ لایەنێک چ لۆکاڵی بێت یان نێونەتەوەیی و هەر هێزێکی تر، ناتوانێت خۆی لە چارەسەری دیموکراسیانەی ئەم دۆزە بەدوور بگرێت. ڕێبەر عەبدوڵا ئۆجالان ویستی لە ڕێگەی تیۆری نەتەوەیی دیموکراتیک و کۆنفیدراڵیزمی ڕۆژهەڵاتی ناوینی دیموکراتیک و ئازادی ژنان و ڕۆڵی پێشەنگایەتیی ژنەوە جڤاکێکی ئەخلاقی-سیاسی بنیات بنێت، هەروەها له ڕێی خۆڕێکخستنەوەی گەلی کورد خۆیان له سیاسەتی قڕکردنی سیاسی و سەربازی و چاندی بپارێزن.

ڕێبەر عەبدوڵا ئۆجالان نهێنییەکانی ئەو دەوڵەتانەی ئاشکرا کرد کە سیستەمی هەژموونی دژ بە ئیرادەی گەل بەکاردەهێنێت و هەوڵی سەرکوتکردنی هەبوونیان و لەناوبردنی مافە ڕەواکانیان دەدات،  بەهۆی ئەوەوە لایەنە نێونەتەوەییەکان بەشدارییان لە پیلانگێڕی نێونەتەوەیی دژی ڕێبەر عەبدوڵا ئۆجالان کرد و لە کەسێتییەکەیدا گەلی کورد و هەموو هێزە دیموکراتیک و ئاشتیخوازەکانیان کردە ئامانج.

پارتی پەیەدەمان ئازادی جەستەیی ڕێبەر عەبدوڵا ئۆجالان بە گرنگترین ئەرکی خۆی دەزانێ، ئێمە هەموو ئەو هێزە پیلانگێڕانە شەرمەزار دەکەین کە پلانیان داڕشت و ئەم پیلانگێڕییەیان ئەنجامدا و داوا لە جڤاکی نێونەتەوەیی و نەتەوە یەکگرتووەکان و ڕێکخراوە نێونەتەوەییەکانی مافی مرۆڤ دەکەین، کۆتایی بەو گۆشەگیرییە بهێن،  هەروەها داوا لە گەلی کورد و تەواوی گەلانی هەرێمەکە دەکەین، کە تێکۆشانیان بۆ ئازادی جەستەیی ڕێبەر عەبدوڵا ئۆجالان زیاتر بکەن، چونکە ئازادی جەستەیی ڕێبەر عەبدوڵا ئۆجالان پێویستییەکی هەنوکەییە".