ناوەندی ڕاگەیاندنی هێزەکانی سوریای دیموکراتیک (قەسەدە) لە ڕاگەیاندراوێکدا بانگەوازی لەو کەسانە کرد کە دەستیان هەبووە لە ڕووداوەکانی ئەم دواییەی دەیرەزۆر، تاوەکو خۆیان بگەیەننە هێزەکانیان و لەماوەی ١٥ ڕۆژدا ڕەوشی خۆیان چارەسەر بکەن.

ڕاگەیاندراوەکە بەم جۆرەیە:

"ئێمە وەک هێزەکانی سوریای دیموکراتیک، بانگەواز لە تەواوی ئەو چەکدارانە دەکەین کە دەستیان هەبووە لە ڕووداوەکانی ئەم دواییەی دەیرەزۆر و هەڵاتوون بۆ هەرێمەکانی ژێردەستی ڕژێم، لەماوەی ١٥ ڕۆژدا (لە ئەمڕۆ دەست پێ دەکات) خۆیان بگەیەننە هێزەکانمان، بگەڕێنەوە بۆ هەرێمەکە و ڕەوشی خۆیان چارەسەر بکەن. بۆ پەیوەندیکردن بە هێزەکانمان و هێزەکانی ئاسایشی ناوخۆی باکور و ڕۆژهەڵاتی سوریا، ئەم ژمارانەی واتساپ بەردەستن:

0980988356

0995025361

0987390739

0983298866

هەروەها بانگەواز لەو کەسانە دەکەین لە هەرێمەکەدا چەکیان هەڵگرتووە، لەمڕۆوە تا ١٥ ڕۆژی تر، چەکەکانیان ڕادەست بکەن و ڕێوشوێنە یاساییەکان دەست پێ بکەن.

هێزەکانمان پشتیوانی خۆیان بۆ خەڵکی دەیرزۆر دووپات دەکەنەوە کە بەهۆی هێرشی چەکدارەکانەوە بۆ سەر دامەزراوە خزمەتگوزاری و ئیدارییەکان زیانیان بەرکەوتووە".