چەتەکانی حکومەتی شام دوێنێ لە کەناری ڕۆژئاوای ڕووباری فوراتەوە هێرشیان کردە سەر ڕۆژهەڵاتی دەیرەزۆر. هێزەکانی سوریای دیموکراتیک (قەسەدە) وەڵامی هێرشەکانیان دایەوە.

قەسەدە ڕایگەیاند لە وەڵامی هێرشەکاندا، ١٩ چەتە کوژراون و ٢٠ چەتە برینداربوون، هەروەها ٣ شەڕڤان و ٤ سڤیل شەهیدبوون.

لە ڕاگەیاندراوی ناوەندی ڕاگەیاندن و چاپەمەنی قەسەدەدا، ناسنامەی شەهیدەکان ئاشکرا کرا.

ڕاگەیاندراوی قەسەدە وەهایە: "لە وەڵامدانەوەی هێزەکانماندا بەرامبەر هێرشی چەتەکانی ڕژێمی سوریا بۆ سەر ڕۆژهەڵاتی دەیرەزۆر، ٣ شەڕڤان شەهیدبوون، هێزەکانمان هێرش و هەوڵەکانی تێکدانی ئاسایشی هەرێمەکەیان پووچەڵ کردەوە.

هەڤاڵانمان دەمهات قامیشلۆ (سامر ئەحمەد ئیبراهیم) و باران دێرک (جوان ڕەمەزان موراد) و عەزام حەسەکە (خالید حۆران ئەلعەتیە)، بۆ ئەوەی چەتەکانی ڕژێمی سوریا نەگەنە هەرێمەکە، گیانی خۆیان فیدا کرد، ژمارەیەکی زۆریان لە چەتەکان کوشت و بریندار کرد.

سەرەخۆشی لە بنەماڵەی هەر سێ شەهیدەکەمان دەکەین. باوەڕمان بە هێزەکانمان بەهێزە، دەتوانن تەواوی پیلانگێڕی و پلانەکان بۆ سەر هەرێمەکە پووچەڵ بکەنەوە. هیوا و خەونی هەڤاڵەکانمان بۆ ئازادی و سەرکەوتن، بەدی دەهێنین.

زانیارییەکان دەربارەی ناسنامەی شەهیدەکان بەم جۆرەیە:

ناسناو: دەمهات قامیشلۆ

ناو و پاشناو: سامر ئەحمەد ئیبراهیم

ناوی دایک: زوهرە

ناوی باوک: ئەحمەد

شوێن و کاتی لەدایکبوون: قامیشلۆ / ١٩٩٨

شوێن و کاتی شەهید بوون: دەیرەزۆر، گوندی حەردۆب، ٢٩ ی تشرینی یەکەمی ٢٠٢٣.

*   *   *

ناسناو: باران دێرک

ناو و پاشناو: جوان ڕەمەزان موراد

ناوی دایک: بەیان

ناوی باوک: ڕەمەزان

شوێن و کاتی لەدایکبوون: دێرک ١٩٩٩

شوێن و کاتی شەهید بوون: دەیرەزۆر، ٢٨ ی تشرینی یەکەمی ٢٠٢٣.

*   *   * 

ناسناو: عەزام حەسەکە

ناو و پاشناو: خالید حۆران ئەلعەتیە

ناوی دایک: عەلیە

ناوی باوک: حۆران

شوێن و کاتی لەدایکبوون: دەیرەزۆر ١٩٩٣

شوێن و کاتی شەهید بوون: دەیرەزۆر، گوندی حەردۆب، ٢٩ ی تشرینی یەکەمی ٢٠٢٣".