دوێنێ ناوەندی ڕاگەیاندنی ھێزەکانی سوریای دیموکراتیک (قەسەدە) لە ڕاگەیەندراوێکدا ناسنامەی دوو شەڕڤانی بە ناوەکانی "باگۆک ​​کۆبانێ و مەزڵوم شێراوا"ی بڵاوکردەوە.

لە ڕاگەیەندراوەکەی قەسەدەدا ھاتووە، شەهیدان باگۆک ​​کۆبانێ و مەزڵوم شێراوا لە تەقینەوەیەکدا لە شاری حەسەکە شەهید بوون.

لە بەشێکی دیکەی ڕاگەیەندراوەکەدا ھاتووە، هەڤاڵانمان لەسەر هێڵی شۆڕش ڕێیان کرد و تا دوا هەناسەیان لە پێناو بە سەرکەوتن گەیاندنی شۆڕش تێکۆشانیان کرد. خاوەنی ڕۆحی ھاوڕێیەتی و نموونەی ئەو شەڕڤانانە بوون کە خۆشەویستی لە دڵی هەمووان بڵاودەکەنەوە.

قەسەدە لە کۆتاییدا سەرەخۆشی خۆی ئاراستەی بنەماڵەی شەهیدان کردووە و جەختیکردووەتەوە، "بەڵێن بە گەلەکەمان دەدەین، تا  ئەوکاتەی هیوای شەهیدان بەدی و سەرکەوتن بەدەست بھێنین، درێژە بە ڕێگەکەیان بدەین".

ناسنامەی ئەو دوو شەھیدە بەمجۆرەیە:

ناسناو: باگۆک ​​کۆبانێ

ناو و پاشناو: بەنگین قەرە عەلی

ناوی دایک: شیرین

ناوی باوک: عومەر

شوێن و کاتی لەدایکبوون: کۆبانێ ساڵی ١٩٩٣.

شوێنی شەهیدبوون: حەسەکە

***

ناسناو: مەزڵوم شێراوا

ناو و پاشناو: نەبی گوڵ خەیری

ناوی دایک: بەیاز

ناوی باوک: محەمەد

شوێن و کاتی لەدایکبوون: عەفرین-شاراوا ساڵی 1995

شوێنی شەهیدبوون: حەسەکە