مەجلیسی بنەماڵەی شەهیدانی حەسەکەی ناوچەی عامودا، مەراسیمێکی بۆ شەهیدانی مانگی ئەیلول ڕێکخست کە لە ساڵ و شوێنی جیا شەهیدبوون.

لە هۆڵی ڕەشۆی حەسەکە بە بەشداری بنەماڵەی شەهیدان و ئەندامانی دامەزراوە مەدەنی و سەربازییەکان، مەراسیمێک بۆ ١١٦ شەهید بەڕێوەچوو.

لە مەراسیمەکەدا هاوسەرۆکی مەجلیسی بنەماڵەی شەهیدانی کەمپی سەرێکانی خەلیل مورو، گوتی: "سەری ڕێز بۆ شەهیدان و فیداکارییان دادەنەوێنین، ئەوان بۆ ژیانێکی شکۆمەند و ئازاد گیانیان بەخشی". بەڵێنی دا بە درێژەدان بە ڕێگەی شەهیدان تا سەرکەوتن.

فەرماندەیەکی مەجلیسی سەربازیی حەسەکە، دەرسیم حەسەکە، گوتی: "شانازی بە بەرخۆدانی شەهیدان دەکەین، ئەوان خاک و گەلەکەیان پاراست".

مەراسیمەکە بە نمایشکردنی سینڤیزیۆنێک دەربارەی شەهیدان و دروشمی "شەهید نامرن" کۆتایی هات.

لە هۆڵی پارتی یەکێتی دیموکراتیک (پەیەدە) لە شاری عامودا مەراسیمی یادکردنەوەی ٢١ شەهید بەڕێوەچوو، ئەندامانی پارت و دامەزراوەکان و گەلی هەرێمەکە بەشداربوون.

لە مەراسیمەکەدا، هاوسەرۆکی مەجلیسی بنەماڵەی شەهیدانی عامودا، زەیور شێخۆ گوتی: " گەلی کورد ڕووبەڕووی چەندین سیاسەتی دژبەر و کۆمەڵکوژی بووەتەوە، بەڵام لە سایەی فەلسەفەی ڕێبەر عەبدوڵا ئۆجالان توانیمان بەرەنگاری ئەمە ببینەوە".

لە مەراسیمەکەدا سینڤیزیۆنێک سەبارەت بە نرخاندنی شەهید ڕوستەم جودی بۆ فەلسەفەی نەتەوەی دیموکراتیک و وێنەی ٢١ شەهیدەکە پێشکەش کرا.

مەراسیمەکە بە دروشمی "شەهید نامرن" کۆتایی هات.