سوپای تورکی داگیرکەر منبج و شەهبای بۆردومان کرد
سوپای تورکی داگیرکەر و چەتەکانی چەندین گوندی منبج و شەهبایان بە قورسی بۆردومان کرد.
بەگوێرەی هەواڵێکی ئاژانسی هەواڵی هاوار (ANHA)، سوپای تورکی داگیرکەر و چەتەکانی گوندەکانی ئوم ئەلهۆش و خەربەت ئەل شالایان لە شەهبا بۆردومان کرد.
لە ئەنجامی ئەو بۆردومانەدا لە گوندی ئوم ئەلهۆش چەندین سەر ئاژەڵی هاووڵاتییان گیانیان لەدەستداوە.
داگیرکەران لە منبجیش هێرشیان کردە سەر گوندی محسنلی و لە هێرشەکەدا ١٧ گولـلە تۆپ بەر ئەو گوندە کەوتووە. تا ئیستا زیانی بۆردومانکردنی گوندی محسنلی دیار نییە.
ژ.ت
