ڕێکخستن و دەزگاکانی سەر بە تەڤگەری کۆمەڵگەی دیموکراتی (تەڤدەم) بەشداریکردنیان لە کەمپەینی دەستپێشخەری گەلی باکور و رۆژهەڵاتی سوریا راگەیاند.

زەینەب حەسەن ئەندامی نوسینگەی ژنانی تەڤدەم راگەیەنراوێکی خویندەوە لەبەردەم ناوەندی تەڤگەرەکە لە قامشلۆ.

لە راگەیەنراوەکەدا هاتووە، " تێکۆشانی پارتی تیئۆری، پراکتیکیو خاوەن میراسێکی ئەخلاقی و مرۆڤیە کە بەهاکانی چەندین گەلان بە بناغە دەگرێت. هەروەها نوێنەرایەتی ڕێکخستنێکی رزگاریخوازە، بۆ دروستکردنی ئیرادەی کۆمەڵگەی ئازاد تێدەکۆشێت. لە هەمانکاتدا ئازادی ژنانی کردووەتە بناغەی تێکۆشانی رەوای خۆی و لە تیرۆر دوورە."

لە بەردەوامی راگەیەنراوەکەدا هاتووە، " دەرکردنی پەکەکە لە لیستی تیرۆر مافێکی رەوایە، لەبەرئەوەی خزمەتی گەلان دەکات، هەروەها پاراستنی بەها جەوهەریەکانی دیموکراسیە. لەلایەکی دیکەوە کەلتوری ئاشتی، برایەتی و دیالۆگی ئاشتیانە لەنێو گەلانی هەرێمەکە بڵاودەکاتەوە."

لە راگەیەنراوەکەدا باسی ئەوەشکرا کە بەناوکردنی پەکەکە وەک تیرۆر بە ئامانجی رزگارکردنی سیاسەتی دەوڵەتی شۆڤێنی تورکە، بۆ ئەوەیە کە دەستکەوتەکانی گەلی کورد و گەلانی هەرێمەکە لەناوببەن.

بە ئامانجی پشتگیری لە دەستپێشخەریەکە هەڵمەتی دەرکردنی پەکەکە لەنێو لیستی تیرۆر، ئێمە وەک هەموو دەزگا، رێکخستن و یەکێتیەکانی نێو تەڤدەم بۆ کۆکردنەوەی واژۆ کار دەکەین. ئێمە لەم بڕوایەداین کە دەرکردنی پەکەکە لە لیستی تیرۆر ئاشتی و دیموکراسی مسۆگەر دەکات و مافی مرۆڤ دەپارێزێت. بۆیەش بانگەوازیمان لە یەکێتی ئەوروپا و ئەمریکا ئەوەیە کە ناوی پەکەکە لە لیستی تیرۆر دەربهێنن."

ف.ق