ئاشتی ڕێبینی ئینتەرناسیۆنالیستی خەڵکی ئیرلەندا وتی، شۆڕشی ڕۆژئاوا نموونەی شۆڕشی سەدەی ٢١.

ئاشتی ڕێبین ئەندامی یەکەى ئینتەرناسیۆنالیستی یەپەگە و خەڵکی ئیرلەندا ڕایگەیاند، لە ماوەی شەڕی کۆبانێدا لە ساڵی ٢٠١٤دا یەکەم جار ناوی ڕۆژئاوای بیستووە و هۆکاری هاتنی بۆ ڕۆژئاوا ڕوونکردەوە و وتی: "بینیم ئەو بیر و بۆچوونانە، کە تۆ لە پێناویدا شەڕ دەکەیت گۆڕانکاری لەسەر گۆڕەپانەکە دروست دەکات، رێگایەکی نوێ دەکاتەوە، بۆیە من خواستم بەشدار ببم. نموونەی شۆڕشی سەدەی ٢١. بێگومان بیر و رامانی عەبدوڵا ئۆجالان ڕۆڵێکی سەرەکی بینی لە گەیشتنم بۆ ئێرە".

هێزی ژنان زۆر کاریگەرە

ڕێبین ڕایگەیاند، ماوەیەکی کەمە هاتووەتە ڕۆژئاوا و سەرەتا پیرۆزبایی ئاهەنگەکانی ٨ی مارس ڕۆژی جیهانیی ژنانی زەحمەتکێشی بینیوە و وتی: "بزووتنەوەى ژنان لە ڕۆژئاوا و هێزەکەیان بەڕاستی زۆر کاریگەرە. من بە دڵنیاییەوە بینیم، کە تێکۆشانی ژنان لە ڕیزی پێشەوەی شۆڕشە. لە هەموو بوار و ئاستێکدا کاری بە کۆمەڵ و هەرەوەزیی ژنان و دڵسۆزییان بۆ یەکتر زۆر بەهێزە".

مانەوە لە ڕۆژئاوا شتێکی تایبەتە

ڕێبین ئەوەی خستەڕوو، مانەوە لە ڕۆژئاوا و بینین و ناسینی چەندین هەڤاڵ و بوون بە بەشێک لە ژیانی بە کۆمەڵ و هەرەوەزی  بارودۆخێکی تایبەتە و وتی: "لە کوردستان، کە ناوەندی بزووتنەوەی سۆسیالیستی و ئینتەرناسیۆنالیستە، تێکۆشان بە بەهێزی سەرنجی خستووەتە سەر ئینتەرناسیۆنالیست. داوا لە هەموو ئینتەرناسیۆنالیستەکانی جیهان دەکەم، وەرن ببن بە بەشێک لە شۆڕشەکەمان و شۆڕشەکەی خۆتان ببینن. تێکۆشان نەک تەنها بۆ کوردستان، بەڵکو بۆ هەموو جیهانە".

ژ.ت