ناوەندی راگەیاندنی یەکینەکانی پاراتنی گەل (یەپەگە) لە راگەیەندراوێکدا ئاشکرای کرد کە باهۆز ئامەد (ئەحمەد عەلی) ١٧ی تشرینی دووەمی ٢٠٢٣ لە عەین عیسا چالاکیەکی لە دژی دەوڵەتی تورک و چەتەکانی بەڕێوەبردووە و شەهید بووە.

لە راگەیەندراوەکەدا هاتووە، "هاوڕێ باهۆز ئامەد لە بنەماڵەیەکی وڵاتپارێز لە عەفرین هاتووەتە دنیا و ساڵی ٢٠١٢ لەگەڵ شۆڕشی رۆژئاوا و دامەزراندنی یەپەگە بەشداری لە ریزەکانی شۆڕشدا کردووە. لە نێووان ٢٠١٤ و ٢٠١٩ کە هێرشەکانی دوژمن چڕبوونەوە، بە ورە و بڕوایەکی بەرزەوە لە بەرامبەر دوژمندا بێ پسانەوە شەڕی کردووە. لەهەڵمەتی شەهبا لە دژی چەتەکان، رۆڵی گرنگی گێڕا و لە بەرخودانی عەفرین و سەرێکانیدا بەردەوام لە بەرەکانی پێشەوە بوو. بەهۆی لێهاتوویەوە لە شەڕ، گورزی گەورە و کاریگەری لە دوژمن وەشاند. هاوڕێمان باهۆز لەم دواییەدا لە عەین عیسا لە ئاستی فەرماندەیی بەرەی شەڕدا بەشداربوو، خۆی چالکی لە دژی سەربازان و چەتەکانی دەوڵەتی تورکی داگیرکەری بەڕێوەبرد و بە قارەمانێتی شەهید بوو.

ئێمە هاوڕێمان باهۆز کە بە قارەمانێتیەوە تێکۆشا و شەهید بوو بە رێز و پێزانینەوە یاد دەکەینەوە. میراتی رەنج و ئەزمونی شۆڕشگێڕی ئەو، دەبێتە بنەمای تێکۆشانمان. وەک هەڤاڵ و هاوڕێکانی ئێمە سەرەخۆشی لە بنەماڵەی بەنرخی ئەو و هەموو گەلە وڵاتپارێزەکەمان دەکەین. بەڵێن دەدەین کە ئێمە تێکۆشانی ئازادی لە هەموو کات زیاتر بە خواست و پێداگریی زۆرەوە بەڕێوەببەین، هیوا و ئاواتەکانی گەلەکەمان بۆ بونیادنانی وڵاتێکی ئازاد بهێنینەدی.

ناسنامەی هاوڕێ شەهیدەکەمان بەم جۆرەیە:

ناسناو: باهۆز ئامەد

ناو و پاشناو: ئەحمەد عەلی

ناوی دایک: ئەنیسە

ناوی باوک: سەمیر

شوێن و کاتی شەهیدبوون: عەین عیسا/ ١٧ی تشرینی دووەمی ٢٠٢٣".

هـ . ب