سوپاى داگیرکەرى تورکیا ئەمڕۆ بە فڕۆکەى جەنگى بە چڕی ناوەندى عەفرین و دەورووبەرى بۆردومانکرد. ئێستاش لە دواى ئەو بۆردومانەوە بە تۆپخانەکانى دەستیکردووە بە تۆپبارانکردنى ناوەندی عەفرین و دەرووبەری.
هەر ئێستا لە ٩ گوندى سێ بەرەى شەڕ لە کانتۆنى عەفرین و لە ناوچەکانى شەرا، بلبلێ و جندرێس شەڕێکى قورس لە نێوان شەڕڤانانى یەپەگە / یەپەژە و سوپاى داگیرکەرى تورکیا و چەتەکانى بەرەى نوسرە و داعش لە ئارادایە.
ماوەی ٥٠ ڕۆژە سوپاى داگیرکەرى تورکیا و چەتەکانى بەرەى نوسرە و داعش بەردەوامن لە هێرشکردنە سەر عەفرین و تاوەکو ئێستا زیاتر لە ٢٠٠ هاووڵاتیى مەدەنیى عەفرینیان کوشتوە و نزیکەى ٧٠٠ هاووڵاتیى تریشیان بریندار کردووە.
