سەدان کەسی دانیشتووی ناوچەی دربێسی تەرمی شەهید عومەر بەری (موراد سەرێکانی) کە لە بەرخۆدانی سەرێکانیدا شەهید بوبوو، لەبەردەم ئەنجومەنی بنەماڵەی شەهیدان لە ناوچەکە وەرگرتەوە و ڕوویان کردە گۆڕستانی شەهید رۆستەم جوودی لە گوندی بەرکەڤرێ.

لە گۆڕستانەکە مەراسیم بە خولەکێک ڕێزگرتن دەستیپێکرد. دواتر یەکێک لە فەرماندەکانی هێزەکانی سوریای دیموکراتیک (قەسەدە) بەناوی محەمەد نەبی کۆتی قسەی کرد و بەرخۆدانی شەڕڤانانی قەسەدەی لەدژی داگیرکەریی دەوڵەتی تورک بۆ سەر هەرێمەکانی باکوور و ڕۆژهەڵاتی سوریای بەرز نرخاند.

کۆتی لە وتەکانیدا ئاماژەی بەوە کرد کە هێرشەکانی سوپای تورک بۆ سەر هەرێمەکە هەموو پێکهاتەکان دەکاتە ئامانج و بەم شێوەیە بەردەوامی بە قسەکانیدا: "لەدژی داگیرکەریی دەوڵەتی تورک، پێویستە هەموومان پشتیوانی شەڕڤانانی قەسەدە بکەین".

عەدنان بەری، بەناوی بنەماڵەی شەهید موراد وتەیەکی پێشکەش کرد و ئاماژەی بەوە کرد کە هەر لە سەرەتای بەشداریکردنەکەی، شەهید عومەر هیوای شەهیدبوونی هەبوو. هەروها ئەوەشی ڕایگەیاند، بنەماڵەی شەهید ڕێگەی ڕۆڵەکەیان بەردەوام دەکەن و بەردەوام دەبن لە دژایەتی داگیرکەران.

دواتر بەڵگەی شەهید لە لایەن هۆژین جرێس، ئەندامی ئەنجومەنی بنەماڵەی شەهیدانەوە خوێندرایەوە و ڕادەستی بنەماڵەی شەهید کرا. لە کۆتاییدا تەرمی شەهید لەناو دروشمەکانی بەرخۆدان و شەڕڤانان لە گۆرستانی شەهید رۆستەم جوودی بەخاک سپێردرا.

ف.ق