له شێراوا-ی عه‌فرین ٥ سه‌ربازی توركیا كوژران
سه‌رچاوه‌كانی یه‌په‌گه ئاشكرایان كرد له گوندی كیمار-ی سه‌ر به ناوچه‌ی شێراوا-ی عه‌فرین ئۆتۆمبێلێكی پڕ له چه‌ك و ته‌قه‌مه‌نی ته‌قێندراوه‌ته‌وه و به‌هۆیه‌وه ٥ سه‌ربازی داگیركه‌ر كوژراون.
سه‌رچاوه‌كانی یه‌كینه‌كانی پاراستنی گه‌ل - یه‌په‌گه ئاماژه بۆ ئه‌وه ده‌كه‌ن له گونده‌كانی كیمارێ، به‌رادێ و به‌یێ-ی سه‌ر به ناوچه‌ی شێراوا-ی عه‌فرین شه‌ڕی سه‌خت له ئارادایه.
ڕاگه‌یه‌ندرا كه سوپای توركیای داگیركه‌ر گوندان بۆمباران ده‌كات، به‌و هۆیه‌شه‌وه له گوندی بایێ چه‌ند هاوڵاتییه‌كی سیڤیل شه‌هید بوون. هه‌ر له‌و ده‌ڤه‌ره و له‌نێوان گوندی بایێ و كیمارێ، له ئه‌نجامی چالاكییه‌كدا ئۆتۆمبێلێكی پڕ له چه‌ك و ته‌قه‌مه‌نی ته‌قێندرایه‌وه و به‌هۆیه‌وه ٥ سه‌ربازی داگیركه‌ر كوژران.
s.m
