لە عەین عیسا گوندێک لە دەستی داگیرکەران رزگار کرا
دوای ئەوەی سوپای تورکی داگیرکەر و چەتەکانی ئەردۆغان گوندێکی سەر بە ناوچەی عەین عیسایان داگیر کرد، شەڕڤانانی قەسەدە گوندەکەیان لە دەستی داگیرکەران رزگار کردەوە.
بە پێی ئەو زانیارییانەی گەیشتووەنەتە بەر دەستمان، گوندی سێدا-ی سەر بە ناوچەی عەین عیسا، لە ژێر دەستی سوپای دەوڵەتی تورک و چەتەکانی رزگار کراوە.
ناوچەی عەین عیسا یەکێکە لەو ناوچانەی کە سوپای داگیرکەران رۆژنانە هێرشی توند دەکاتە سەری و لە لایەن شەڕڤانانی هێزەکانی سوریای دیمۆکراتیکەوە روبەرووی وڵامی توند دەبێەوە.
ز.ش
