دوای چەند مانگ لە ئامادەکاری ناوەندی کۆمەڵگەی دیموکراتیکی کوردی-ئەڵمانی (ناو-لایبزیگ) بە مەراسیمێک لە شەقامی ئایزنبانستراس٥٣ بە فەرمی کرایەوە.

لە مەراسیمی کردنەوەی ناوەندەکە کە بە خولەکێک ڕێزلێنان دەستی پێکرد، وێڕای بنەماڵەی شەهیدان ژمارەیەکی زۆر لە هاوڵاتی بەشداربوون. لە چوارچێوەی مەراسیمەکەدا گەنجانی کورد و ئەڵمان لەسەر شەقامی پێش ناوەندەکە بە گێرانی هەڵپەڕێکیی کوردی سەرنجی هەمووانیان ڕاکێشا.

لە هۆڵی ناوەندنەکەدا وێنەی ڕێبەر ئاپۆ و شەهیدانی ڕێگەی ڕزگاری  و ئازادی هەڵواسرابوون.

لە پەیامی کردنەوەی ناوەندەکەدا ئاماژە کرا بەوەی وێرای گرنگی ناوەندەکە وەک ناوەندێکی چاندی، هاوکات گرنگی دەدات بە ناسین و زیندوو ڕاگرتی چاند و زمانی کوردی کە بۆ کوردانی دانیشتووی ئەڵمانیا دەرفەتێکی گرنگە. هەروەها لە پەرەدان بە چالاکییە چاندییەکان ڕۆڵێکی گرنگی دەبێت.

مەراسیمەکە بە گێڕانی ئاهەنگ و گۆرانی کوردی کۆتای هات.