سیاسەتمەداری کورد یوکسەل کۆچ کە لە شاری برێمەنی ئەڵمانیا دانیشتووە، لە ٢٠ی ئایار لە هەڵکۆتانە سەر ماڵەکی دەستبەسەر کرا.

تەسەپە لەو بارەوە بەیاننامەیەکی بڵاوکردەوە و ڕایگەیاند کە یوکسەل کۆچ بەساڵانە وەک سیاسەتمەدارێکی کورد لە دامەزراوە دێموکراتیکە کوردییەکاندا کار و خەبات دەکات، هەروەها لە ڕێکخراوەکانی کورددا لە ئاستی هاوسەرۆکایەتی بۆ بەدی هێنانی مافە دێموکراتیکەکانی گەلی کورد لە ئەوروپا کاری کردووە. هاوکات لە خەباتی شۆڕشگێڕی و هێزە دیموکراتیکەکانی ئەوروپادا تێکۆشانی کردووە و بەو بۆنەوە سیاسەتمەدارێکی ناسراوە لە گەلەکەیدا."

لە بەیاننامەکەدا هاتووە، کە یوکسەل کۆچ بە تۆمەتی پەیوەندی گڵاو و بازرگانی نێوان دەوڵەتی ئەڵمانیا و دەوڵەتی تورک دەستگیرکراوە.

تەسەپە ڕایگەیاند کە دەوڵەتی ئەڵمانیا بەساڵانە هەوڵدەدات کوردان تاوانبار بکات و بە هەڵکوتانە سەر دامەزراوە کوردییەکان و دەستگیرکردنی چالاکوانانی سیاسی کورد و ئاستەنگییەکان لەبەردەم دامەزراوە کوردییەکان، بووەتە بەشێک لە هێرشەکانی دەوڵەتی تورک بۆ سەر کوردان.

لە ڕاگەیەندراوەکەدا دەستبەسەرکردنی یوکسەل کۆچ بە توندی ئیدانە کراوە و بە هێرشێک بۆ سەر تاک و دامەزراوە دیموکراتیکەکانی پێناسە کراوە.