بەهۆی کارەساتەکەی دەرنە، ٨ بەرپرس زیندانی کران
سەرۆکایەتی داواکاریی گشتی لیبیا لە چوارچێوەی لێپرسینەوەکان بەهۆی ڕووخانی دوو بەنداو لە ١٠ ی ئەیلول لە دەرنە، کە بووە هۆی کارەساتی لافاو، بڕیاری زیندانی بۆ ٨ کارمەند دەرکرد.
گەلی دەرنە لە ڕۆژهەڵاتی لیبیا کە هەموو گەڕەکەکانی ژێر ئاو کەوتبوون، ڕۆژی ١٨ی ئەیلول چالاکییەکیان ئەنجامدا بۆ ئەوەی لێپرسینەوە لە بەرپرسان.
دانیشتوانی شارەکە بە تایبەتی داوایان کردبوو کە لێکۆڵینەوەیەکی بەپەلە سەبارەت بەو کەسانە دەستپێبکرێت کە بەرپرسن لە کارەساتەکە.
سەرۆکایەتی داواکاری گشتی کۆمار بڕیاریدا لە چوارچێوەی لێکۆڵینەوەکەدا ٧ کەس بەشێوەیەکی کاتی زیندانی بکرێن. زانراوە لەنێو ئەوانەی دەستگیرکراون بەرپرسانی بەڕێوەبردنی ئاو و بەنداوەکان هەن.
دوای ئەو کارەساتە بەشێک لە ئەندامانی ئەنجوومەنی شارەکە لە نێویاندا عەبدولمونعیم ئەلگەیتی سەرۆکی شارەوانی دەرنە لە کارەکانیان دوورخرانەوە.
شەوی 10-11ی ئەیلول، زریانی دانیال ڕۆژهەڵاتی لیبیا و بەتایبەت شاری دەرنەی گرتەوە کە ژمارەی دانیشتووانی 100 هەزار کەسە لە کەناراوەکانی دەریای سپی، دوو بەنداو تەقینەوە و لافاوێکی هاوشێوەی تسونامی ڕوویدا. بەپێی زانیارییە کاتییە فەرمییەکان، لانی کەم سێ هەزار و ٨٦٨ کەس لە لافاوەکەدا گیانیان لەدەستداوە و هەزاران کەسیش بێسەروشوێنن. سەرچاوەکانی دیکە باسیان لەوە کردووە کە زیاتر لە ١٠ هەزار کەس گیانیان لەدەستداوە.
سەرۆکی داواکاری گشتی لیبیا ئەلسدیق ئەلسور، لە ١٥ی ئەیلولدا ڕایگەیاند کە دەستیان بە لێکۆڵینەوە لە ڕەوشی کارەساتەکە کردووە.
بە گوتەی سەرۆکی داواکاریی گشتی کۆمار، بەڕێوەبەرایەتی بەنداوەکانی لیبیا ڕایگەیاند، لە ساڵی ١٩٩٨دا دزەکردن لە دوو بەنداوەکەدا هەبووە، بەڵام هیچ کارێک بۆ نەهێشتنی ئەو دزەکردنانە نەکراوە.
بەگوێرەی ئەو ڕاگەیاندراوە ڕۆژنامەوانییەی ئەمڕۆ دووشەممە نووسینگەکەی بڵاویکردۆتەوە، لێکۆڵینەوە سەبارەت بە ١٦ کەس دەستیپێکردووە کە لە بوارە جیاجیاکانی بەڕێوەبردنی بەنداوەکانی لیبیا کاردەکەن.
