بەپێی ئامارەکانی حەماس، ژمارەی کوژراوان ١١ هەزار کەسی تێپەڕاندووە
وەزارەتی تەندروستی بزووتنەوەی حەماس ڕایگەیاند، لە هێرشەکانی ئیسرائیل بۆ سەر غەززە کە لە ٧ی تیشرینی یکەمەوە دەستی پێکردووە، ژمارەی کوژراوان ١١ هەزار کەسی تێپەڕاندووە.
وەزارەتی تەندروستی بزووتنەوەی حەماس ڕایگەیاند، ژمارەی ئەو کەسانەی لە بۆردومانەکانی ئیسرائیلدا گیانیان لەدەستداوە، بوو بە ١١ هەزار و ٧٨ کەس.
بەگوێرەی ڕاگەیەندراوەکە، لە ناو کوژراوەکاندا چوار هەزار و ٥٠٦ یان منداڵن و سێ هەزار و ٢٧ یان ژنن. دەستنیشان کرا کە ٢٤ هەزار و ٤٩٠ کەسیش بریندارن.
