بڕیاری کۆتایی لە بارەی قەوارەی نیمچە ئۆتۆنۆمی جامو و کشمیر کە زۆرینەی دانیشتوانەکەی مسوڵمان درا و دادگای باڵای هیندستان بڕیاری هەڵوەشاندنەوەی ئەو قەوارەی پەسەند کرد.

هەروەها دادگای باڵای هیندستان بڕیاریدا کە ساڵی داهاتوو هەڵبژاردن لە جامو و کشمیر بەڕێوەبچێت.

دادگای باڵا رایگەیاند کە دەبێت لەماوەیەکی خێرادا جامو و کشمیر هاوشێوەی ویلایەتەکانی دیکەی هێندستان و لە یەک ئاستدا دابندرێن و لە ٢٤ی ئەیولی ٢٠٢٤ دا هەڵبژاردن لەو ویلایەتە بەڕێوەبچێت. سەرۆکوەزیران نارێندرا مۆدی بڕیارەکەی دادگای باڵای وەک "تیشکی هیوا" پێناسە کرد.

حکومەتی هیندستان ٥ ی ئاب کۆتاییهاتنی نیمچە ئۆتۆنۆمی کشمیری راگەیەندبوو. بە گوێرەی دەستتوری هەمیشەیی جامو کشمیر کەوتنە ناو دۆخێکی ئەمنی تایبەتەوە و قەوارەی تایبەتی ویلایەتەکە بە بڕیاری سەرۆکوەزیران هەڵوەشایەوە.

کشمیر ناوچەیەکی کێشەلەسەری نێوان هیندستان و پاکستانە و ئیسلام ئاباد ئەو ناوچە زۆرینە مسوڵماننشینە بە بەشێک لە خاکەکەی ناودەبات و بەو هۆیەوە بەردەوام پەیوەندییەکانی لە گەڵ نیودێلهی ئاڵۆزبوون.

دوای کۆتاییهاتنی حکومڕانی بەریتانیا لە هیندستان لە سآڵی ١٩٤٧، لە کشمیر لە پێناو پەیوەستبوون بە پاکستان سەرهەڵدان دەستیپێکرد و بۆ دەیان ساڵ ئاڵۆزی و شەڕ لەو ناوچەیە بەردەوام بوو.

ساڵی ١٩٨٩ لە ئەنجامی راپەڕینێکدا نزیکەی ٧٠ هەزار کەس کوژران. پێشبینی دەکرێت بە هۆی بڕیارەکەی دادگای باڵای هیندستان، جارێکی دیکە گرژی و ئاڵۆزی لە کشمیر دەستپێبکاتەوە.

هـ . ب