دەنگەکانی پارتەکەی ماندێلا بەڕێژەیەکی بەرچاو کەمی کرد
دەنگی پارتی کۆنگرەی نەتەوەیی ئەفریقا کە دامەزرێنەرەکەی نیلسۆن ماندێلایە و دەسەڵاتدارە، بۆ یەکەمجار دەنگەکانی بە رێژەی ژێر ٥٠٪ کەم بووەوە.
کۆنگرەی نەتەوەی ئەفریقا لە هەلبژاردنی خۆجێیی ئەفریقای باشوردا ٤٦٪ی دەنگەکانی بەدەست هێنا و رەخنەی زۆری لێدەگیرێت.
لە پرسی گەندەڵی، بێکاری، ئاو و کارەبا و خزمەتگوزاری پارتەکە رووبەرووی رەخنەیەکی زۆر بووەتەوە. کۆنگرەی نەتەوەیی ئەفریقا لە هەڵبژاردنەکانی رۆژی دووشەمەی رابردوودا لە مێژووی خۆیدا کەمتر لە ٥٠٪ی دەنگەکانی بەدەستهێنا.
بەم پێیەش ئەو پارتە لە هەموو شار و ناوچەکان رێژەیەکی کەمتری شارەوانیەکان بەدەست دەهێنێت.
پارتەکەی نیلسۆن ماندێللا لە ساڵی ١٩٩٤ هاتە سەر دەسەڵات.
سەرۆککۆمار رامافۆساش دانی بەوەدانا کە دەنگێکی کەمیان بەدەستهێناوە و پارتەکەی بۆ ئەوەی بتوانێت، شارە گەورەکان بەرێوەببات، پێویستە لەگەڵ پارتەکانی دیکە هاوپەیمانی دروست بکات.
ف.ق
