هێرشی داگیرکاری بۆ سەر ڕۆژئاوا، لە نیویۆرک شەرمەزار کرا
هێرشی دەوڵەتی داگیرکەری تورک بۆ سەر باکوور و ڕۆژهەڵاتی سوریا، لەشاری نیویورک لە ئەمریکا شەرمەزار کرا.
ژمارەیەک کورد لە بەردەم بینای نەتەوە یەکگرتووەکان لە نیویۆرک کۆبوونەوە و هێرشە داگیرکارییەکانی دەوڵەتی تورکیان شەرمەزار کرد.
چالاکوانان پلاکاردێکیان بەرزکردبووەوە کە لە سەری نوسرابوو "هەرێمی دژە فڕین ڕابگەیەنن".
لە چالاکییەدا ڕاگەیەندراوێک خوێنرایەوە و بێدەنگیی نێونەتەوەیی بەرامبەر بە هێرشە داگیرکەرییەکانی سەر ڕۆژائاوا شەرمەزار کرا.
لە ڕاگەیەندراوەکەدا باس لەوەشدەکرێت "لە ڕۆژئاوا منداڵ و دایکی کورد دەکوژرێن، پێویستە جیهان ئەمە ببینێت".
