لە دوای دەستپێکردنی شەڕی نێوان ئیسرائیل و حەماس لە ٧ی تیشرینی یکەمەوە، هێرشەکان بۆ سەر هێزەکانی ئەمریکا و هاوپەیمانان لە عێراق و سوریا زیادیان کردووە.

دەزگای دژەتیرۆری هەرێمی کوردستان ڕایگەیاند، دوو فڕۆکەی بێفڕۆکەوان هێرشیان کردۆتە سەر بنکەیەکی سەربازی هاوپەیمانانی ناونەتەوەیی دژ بە داعش، کە بنکەکانیان لە فڕۆکەخانەی هەریری شاری هەولێرە.

باس لەوە کراوە کە هێرشەکە لە نیوە شەودا ئەنجامدراوە و هیچ کەسێک زیانی پێنەگەیشتووە.