پەیوەست بە ٣٢ـەمین فیستیڤاڵی نێونەتەوەی کلتوری کوردی کە لە ٢١ئەیلول لە شاری فرانکفۆرتی ئەڵمانیا ئەنجام دەدرێت، کەجەدەکە-ئە ڕاگەیاندراوێکی بڵاوکردەوە و داوای بەشداربوونی لە کوردستانیانی ئەوروپا کرد لە فیستیڤاڵەکەدا.

لە ڕاگەیاندراوەکەدا ئاماژە بەوەکراوە پێویستە لەدژی سیاسەتی قڕکردنی کلتوری کوردی، گەلی کورد تێکۆشانی بەهێز بکات و هاتووە: "گەلی کورد کە سیاسەتی قڕکردنی بەسەردا دەسەپێنرێت، لە سایەی فکر و فەلسەفەی ڕێبەر ئاپۆوە خاوەنداری لە کلتور، زمان و مێژووی خۆی دەکات. هەربۆیە دەوڵەتی تورکی قڕکەر لەبەرامبەر ئەم هەڵوێستەدا شکستی خواردووە و پەنا دەباتە بەر هەموو ڕێبازێکی قڕکردن و کۆمەڵکوژی مەدەنی ئەنجام دەدات."

لە کۆتاییدا بانگەوازی بۆ بەشداربوون لە فیستیڤاڵی نێونەتەوەی کلتوری کوردی دەکات کە لە ٢١ئەیلول لە شاری فرانکفۆرتی ئەڵمانیا ئەنجام دەدرێت و هاتووە: "داوا لە گەلی کورد و دۆستەکانی دەکەین بە جلوبەرگی نەتەوەی خۆیانەوە بە جۆشێکی زۆرەوە بەشداری فیستیڤاڵەکە ببن."