لە کەرتی غەززە ڕۆژانە ئامارەکان دژوارتر دەبێت
وەزارەتی تەندرووستی حکومەتی حەماس لە کەرتی غەززە ڕایگەیاند ژمارەی ئەو کەسانەی لە هێرشەکانی ئیسرائیل کوژراون، ٤٠ هەزار کەسی تێپەڕاندووە.
وەزارەتی تەندروستی دەستنیشانی کردووە لە ٧ تشرینی یەکەمەوە لەگەڵ دەسپێکی هێرشەکانی ئیسرائیل بۆ سەر کەرتی غەززە ٤٠ هەزار و ٩٩ کەس کوژراون.
هەروەها ئاماژە بەوە دەکات لە ٢٤ کاتژمێری ڕابردوو، لانی کەم ٢٥ کەس کوژراون، لە ٧ ی تشرینی یەکەمەوە لە کەرتی غەززە ٩٢ هەزار و ٦٠٩ کەس بریندار بوون.
لە ڕاگەیاندراوی حەماسدا، جیاوازی لەنێوان کوژراو و برینداری چەکدارەکانیان و خەڵکی سڤیل ناکات.
حەماس تا ئێستا هیچ ئامارێکی بڵاونەکردووەتەوە دەربارەی ژمارەی چەکدارە کوژراوەکانی.
