کوردانی دانیشتووی ڕووسیا، بە چالاکییەکانیان کەلتووری کورد و کوردستان بە خەڵکی ڕووسیا دەناسێنن. یەکێک لەو چالاکییانە: کردنەوەی پێشانگایەکە لە لایەن شاندی ئیدارەی خۆسەری باکور و ڕۆژهەڵاتی سوریا و تەڤگەری ژنانی کوردی ڕووسیا لە دامەزراوەی کۆمەلایەتی مۆسکۆی پایتەختی ڕوسیا.

پێشانگاکە کە بەرهەمی فۆتۆگرافەر و نیگارکێشانی کوردستانی لەخۆگرتبوو، لە ئەنجومەنی کۆمەڵایەتی کە نوێنەرایەتی هەموو گەلی  ڕوسیا دەکات، کرایەوە.

لەو پێشانگایەدا کە بۆ ماوەی ١٤ ڕۆژ بەردەوام دەبێت، جگە لە وێنە و تابلۆ، جلوبەرگ و کەرەستەی کولتوری کوردیش نمایشکرا.

لە کردنەوەی پێشانگاکەدا بەشێکی زۆر لە ڕۆشنبیر، هونەرمەند و دۆستانی کورد ئامادە بوون.